Путин Ким Чен Инга нима совға қилгани маълум бўлди
Россия президенти матбуот котиби Дмитрий Песков журналистлар брифингида Шимолий Корея етакчиси Ким Чен Ин ва Россия президенти Владимир Путин ўртасидаги алмашилган совғалар ҳақида гапирди.
Песковнинг қайд этишича, Кремл бундай нарсаларни намойиш қилмасликка ҳаракат қилади, бироқ икки давлат раҳбарлари сўнгги учрашувда ўзаро бир қанча совғалар алмашишган.
Путин Шимолий Корея етакчисига бир неча бор коинотда бўлган космик скафандр қўлқопи совға қилган. Ким Чен Ин ўз навбатида Путинга Шимолий Корея қурол усталари томонидан ишлаб чиқарилган карабинни совға қилди.
Бундан бошқа совғалар қанақа экани очиқланмаган.
Эслатиб ўтамиз, Россия ва КХДР етакчилари 13 сентябр куни Узоқ Шарқда учрашув ўтказди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter