Ўзбекистон кивиларни асосан Эрондан импорт қилмоқда
2026 йилнинг январ–апрел ойларида Ўзбекистонга 8 та хорижий давлатдан жами 7,3 минг тонна киви импорт қилинди. Миллий статистика қўмитасига кўра, ушбу маҳсулот импортининг умумий қиймати 2,8 миллион АҚШ долларини ташкил этган.
Қайд этилишича, киви импорти ҳажми ўтган йилнинг мос даврига нисбатан 2,7 минг тоннага кўпайган. Бу эса йиллик ҳисобда қарийб 59 фоизлик ўсишни англатади.
Ўзбекистонга энг кўп киви экспорт қилган давлат Эрон бўлган. Тўрт ой давомида мазкур мамлакатдан 6 минг тонна маҳсулот олиб келинган.
Иккинчи ўринни Хитой эгаллаб, у ердан 1,2 минг тонна киви импорт қилинган. Шу тариқа икки давлат умумий импорт ҳажмининг деярли барчасини таъминлаган.
Қозоғистондан 27,5 тонна, Таиланддан 13 тонна ва Италиядан 3,6 тонна киви келтирилган. Қолган 5,5 тонна маҳсулот бошқа давлатлар ҳиссасига тўғри келади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter