Ўзмиллийбанк меҳмонхона ва туризм соҳасида тажрибага эга бўлган шерикларни Silk Road Samarkand туристик мажмуасини бошқариш бўйича узоқ муддатли ҳамкорликка таклиф этади.

Мажмуа Samarqand шаҳрида жойлашган бўлиб, халқаро техник стандартлар асосида қурилган, узунлиги тахминан 2 км бўлган эшкак эшиш канали бўйлаб барпо этилган. У лойиҳанинг марказий режалаштириш ўқини ташкил этади. Silk Road Samarkand дастлаб ягона туристик шаҳар сифатида, меҳмонхона, тадбирлар ва жамоат инфратузилмасини марказлашган бошқарув концепцияси асосида амалга оширилган. Мажмуанинг умумий ҳудуди 212 гектарни ташкил этади.

Мажмуа таркибига жами 1 185 тага яқин хоналар фондига эга бўлган 8 та меҳмонхона киради, жумладан:

5 юлдузли тоифа:

- Hilton Samarkand Regency
- Silk Road by Minyoun

4 юлдузли тоифа:

- Lia by Minyoun Stars of Ulugbek
- Savitsky Plaza

3 юлдузли тоифа:

- Wellness Park Hotels Bactria
- Wellness Park Hotels Turon
- Hilton Garden Inn Afrosiyob
- Hilton Garden Inn Sogd

Барча меҳмонхоналар ресторан ва барлар, фитнес ва wellness ҳудудлари, бассейнлар ҳамда конференция заллари билан жиҳозланган.

Мажмуа халқаро форумлар ва йирик тадбирларни юқори даражада ўтказиш имкониятига эга бўлиб, бу унинг халқаро миқёсдаги тадбирлар майдони сифатидаги мақомини тасдиқлайди ва барқарор MICE-оқимни шакллантиради.

Лойиҳанинг маданий маркази — “Боқий шаҳар” тарихий-этнографик парки бўлиб, у амфитеатр, очиқ саҳналар, ҳунармандчилик устахоналари ва гастрономик лойиҳаларни ўз ичига олган жонли жамоат маконидир. У мажмуа иқтисодиётига интеграция қилинган бўлиб, меҳмонларнинг ўртача қолиш муддатини оширишга хизмат қилади.

Алоқа учун:

+998 (78) 150-35-79
+998 (95) 667-99-99