payme’да ҳамкорларнинг содиқлик дастурлари бўйича тўлов қилиш ва бонусларни тўплаш имкониятини бирлаштирувчи функция ишга туширилди. Энди картани алоҳида кўрсатиш шарт эмас — бонуслар автоматик равишда ҳисобланади.

Содиқлик картангиз уйда қолиб кетган бўлса ҳам, бонусларингизни барибир қўлга кирита оласиз. payme’нинг ушбу янги функцияси ёрдамида ортиқча оворагарчиликка ҳожат қолмайди.

Бу қандай ишлайди?

Асосий афзаллиги — қулайлик ва вақтни тежаш: пластик картани чиқариш, телефон рақамини айтиш ёки ортиқча ҳаракатлар қилиш шарт эмас. Шунчаки payme go орқали тўлов қилинг, бонуслар эса автоматик равишда ҳисобланади.

Тўлов вақтида сиз ҳамкорларнинг содиқлик дастури бўйича бонусларга эга бўласиз. Агар payme’да payme plus обунаси ёқилган бўлса, яна 1% кешбек қўшилади. Натижада, биргина харид учун бир йўла учта бонус турини қўлга киритишингиз мумкин. Бу айниқса мунтазам харидларда ва кешбек суммаси сезиларли даражада бўладиган йирик тўловларда жуда фойдали.

Бонусларни қандай олиш мумкин?

Бонуслар автоматик ҳисобланиши учун payme иловасидаги телефон рақамингиз билан содиқлик картасига боғланган рақам бир хил бўлиши керак. Картани иловага бир марта қўшиб қўйиш кифоя — қолган барча жараёнлар ортиқча ҳаракатларсиз, ўз-ўзидан амалга ошади.

Ҳозирда ушбу функция “Korzinka”, Bloom, Dilmuss, Button, Ozbe ва Sport Nutrition дўконларида амал қилмоқда. Келгусида ҳамкорлар сафи янада кенгаяди.