Халқаро оммавий ахборот воситаларида Ўзбекистондаги ижтимоий ўзгаришлар ҳақида тобора кўпроқ ёзилмоқда.

Яқинда Euronews сайтида катта мақола чоп этилди: «Ўзбекистон қандай қилиб ўзининг ижтимоий ҳимоя тизимини такомиллаштирмоқда?» 

Энг қиммати — мақолада амалий натижалар қайд этилган:

- ягона рақамли тизим орқали ёрдам тезроқ ва шаффоф тақдим этилмоқда;

- 92 мингдан ортиқ ногиронлиги бўлган фуқаро иш билан таъминланди;

- тахминан 10 минг киши мустақил ҳаётга қайтди;

- камбағаллик реестрига 621 минг оила киритилган ва улар учун индивидуал ёрдам режаси ишлаб чиқилмоқда;

- реабилитация воситалар рўйхати кенгайди (инвалидлар аравачасидан тортиб бионик протезларгача) ва уларни олиш муддати анча қисқарди.

Мақолада таъкидланганидек, ислоҳотлар фақат “қоғозда” эмас, балки минглаб оилаларнинг ҳаётида сезиларли ўзгаришлар ясамоқда: реабилитация воситалари билан таъминлаш, уй шароитини мослаштириш, оғир вазиятдан олиб чиқиш ва ижтимоий ходимларнинг доимий ёрдами — буларнинг барчаси реал ҳаётий мисолларда кўрсатиб берилган.

Мақолани ушбу ҳавола орқали тўлиқ ўқишингиз мумкин.