Ўзбекистон Республикаси Президенти Шавкат Мирзиёев 2026 йил Наврўз умумхалқ байрамига тайёргарлик кўриш ва уни юқори савияда ўтказиш бўйича қарор қабул қилди.

Ҳужжатга кўра, мамлакатда амалга оширилаётган ислоҳотлар шароитида халқимизнинг қадимий анъаналари ва миллий қадриятларини кенг тарғиб қилиш, жамиятда дўстлик ва ҳамжиҳатлик муҳитини мустаҳкамлаш мақсадида Наврўз байрамини кенг нишонлаш белгиланган.

Қарорга мувофиқ, байрам тадбирларини ташкил этиш учун махсус ташкилий қўмита тузилди. Унга Бош вазир Абдулла Арипов раис этиб тайинланди.

Ҳужжатда Наврўз байрамини барча шаҳар ва туманларда халқ сайли шаклида ўтказиш белгиланган. Тадбирлар «Наврўзни улуғлаш – инсонни улуғлашдир!» шиори остида ташкил этилади.

Шунингдек, байрам доирасида қуйидаги тадбирлар ўтказилиши режалаштирилган:

• миллий урф-одат ва анъаналарни тарғиб қилувчи маданий дастурлар;
• ҳунармандчилик кўргазмалари ва миллий спорт мусобақалари;
• китоб ярмаркалари ва халқ сайиллари;
• баҳорий таомлар тайёрланадиган очиқ ошхоналар;
• шаҳар ва маҳаллаларда ободонлаштириш ҳамда кўкаламзорлаштириш акциялари.

Қарорга мувофиқ, Тошкент шаҳрида Наврўз байрамига бағишланган асосий театрлаштирилган концерт дастури ташкил этилади.

Бундан ташқари, мамлакат бўйлаб байрам тадбирларини оммавий ахборот воситалари орқали кенг ёритиш тавсия этилган.

Қарор ижросини назорат қилиш Ўзбекистон Республикаси Бош вазири зиммасига юклатилган.