Қатор ҳудудларда қор кўчиш хавфи эълон қилинди
Жорий йил 4-8 апрел кунлари кутилаётган ёғингарчилик ҳамда ҳаво ҳароратининг ўзгариши сабабли, республиканинг тоғли ҳудудларида, жумладан, денгиз сатҳидан 2000 м баландликда қор кўчиш ҳодисалари кузатилиши мумкин.
Ўзгидромет берган маълумотга кўра:
- Қашқадарё вилояти: Китоб, Шаҳрисабз туманларида;
- Сурхондарё вилояти: Бойсун, Сариосиё, Узун туманларида;
- Самарқанд вилояти: Самарқанд, Ургут туманларида;
- Жиззах вилояти: Бахмал, Зомин туманларида;
- Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари)да;
- Наманган вилояти: Поп туманида қор кўчиш хавфи бор.
Шунингдек, тоғли худудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан, эҳтиёткорлик чораларини кўриш сўралмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter