Японлар узоқ умр кўриш бўйича тарихий рекорд ўрнатишди
Япония соғлиқни сақлаш ва меҳнат вазирлиги статистикасига кўра, ўтган йили японларнинг ўртача умр кўриш давомийлиги ўсишда давом этган ва янги тарихий рекорд қайд этилган. Бу ҳақда «Синьхуа»га асосланиб «Glavkom.ua» хабар тарқатди.
Демак, статистика ўтган йили Японияда кўрсаткичлар тегишли равишда 0,13 ва 0,11 йилга яхшиланиб, аёллар ўртача 87,26 йил, эркаклар 81,09 йил яшаётганини кўрсатди.
Япония матбуоти рўйхатда келтирилган мамлакатлар ва ҳудудлар орасида япон аёллари узоқ яшаш бўйича фақат Сянган (Ҳонконг) аёлларидан ортда қолаётганини ва уч йилдан бери 2-ўрин банд этиб келинаётганини ёзган.
Япон эркаклари эса узоқ умр кўриш борасида Сянган ва Швейцарияда яшовчи эркаклардан ортда қолишяпти, улар ҳам ўтган йили рейтингда 2-ўринда эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter