Ўзбекистон Республикаси Президенти Шавкат Мирзиёев 2017 йил бошидан бери 15 марта хорижий сафарни амалга оширди. Шундан 4 марта Қозоғистон, 3 марта Туркманистон, 2 марта Россия, 1 мартадан Хитой, Саудия Арабистони, Қирғизистон, АҚШ, Туркия ва Кореяга расмий ва амалий ташрифлар уюштирди. Ўтаётган йилни сарҳисоб қилар эканмиз, келинг, ушбу ташрифларни бир ёдга олиб ўтсак.

Март

6 март — давлат ташрифи билан Туркманистонга келди ва Ашхобод халқаро аэропортида расмий шахслар томонидан кутиб олинди.

22 март — давлат ташрифи билан Остона шаҳрига келди ва Остона халқаро аэропортида Қозоғистон Республикаси Бош вазири томонидан кутиб олинди.

Апрел

4 апрел — давлат ташрифи билан Москвага келди ва «Внуково-2» аэропортида Россия Федерацияси ҳукумати аъзолари томонидан кутиб олинди.

29 апрел — амалий ташриф билан Жанубий Қозоғистон вилоятига ташриф буюрди ва Қозоғистон Президенти Нурсултон Назарбоев билан учрашди.

Май

11 май — давлат ташрифи билан Пекинга келди ва «Шоуду» халқаро аэропортида Хитой Халқ Республикасининг расмий шахслари томонидан кутиб олинди.

19 май — амалий ташриф билан Туркманистонга келди ва Туркманистон Вазирлар Маҳкамаси Раисининг ўринбосари, Ташқи ишлар вазири Рашид Мередов томонидан кутиб олинди.

21 май — Ар-Риёд шаҳрида бўладиган араб-мусулмон мамлакатлари ва АҚШ саммитида иштирок этиш учун Саудия Арабистонига келдиҳамда ҳукумат расмийлари томонидан кутиб олинди.

Июн

8 июн — Шанхай ҳамкорлик ташкилоти Давлат раҳбарлари кенгашининг навбатдаги мажлисида иштирок этиш учун Остона шаҳрига келди ва Қозоғистон Республикаси Бош вазирининг ўринбосари Асқар Мирзахметов томонидан кутиб олинди.

Сентябр

5 сентябр — давлат ташрифи билан Бишкек шаҳрига келди ва «Манас» халқаро аэропортида Қирғизистон Республикаси Президенти Алмазбек Атамбоев томонидан кутиб олинди.

9 сентябр — Остона шаҳрига келди ва Остона халқаро аэропортида Қозоғистон Республикаси Бош вазирининг биринчи ўринбосари Асқар Мамин томонидан кутиб олинди.

17 сентябр — яна бир бор Туркманистонга келди ва Ашхобод халқаро аэропортида Туркманистон Республикаси Вазирлар Маҳкамаси раиси ўринбосари Есинмират Оразгелдиев томонидан кутиб олинди.

18 сентябр — БМТ Бош Ассамблеясининг 72-сессиясида иштирок этиш учун Ню-Йорк шаҳрига келди ва Жон Кеннеди номидаги халқаро аэропортда Америка — Ўзбекистон савдо палатаси раиси Кэролин Лэмм томонидан кутиб олинди.

Октябр

10 октябр — Мустақил Давлатлар Ҳамдўстлиги Давлат раҳбарлари кенгашининг навбатдаги мажлисида иштирок этиш учун Россия Федерациясининг Сочи шаҳрига келди ва Сочи халқаро аэропортида Россия Федерацияси расмий доиралари ҳамда МДҲ Ижроия қўмитаси вакиллари томонидан кутиб олинди.

25 октябр — давлат ташрифи билан Туркияга келди ва Анқара шаҳридаги Эсонбуға халқаро аэропортида Туркия Республикаси Бош вазири ўринбосари Бекир Боздағ томонидан кутиб олинди.

Ноябр

22 ноябр — давлат ташрифи билан Корея Республикасига келди ва Сеул шаҳри аэропортида Корея Республикаси Бош вазири ўринбосари, Стратегия ва молия вазири Ким Донг Ён томонидан кутиб олинди.