Коронавирусга чалинганлар сони ўтган тунда сезиларли камайди
2020 йил 22 апрель соат 10:00 ҳолатига кўра, Ўзбекистонда коронавирус инфекцияси қайд этилганлар сони 1692 нафарни ташкил қилмоқда. Бу ҳақда ССВ томонидан хабар берилди.
Кеча, 2020 йил 21 апрел соат 23:00да юртимизда коронавирусга чалинганлар сони 1678 нафар экани хабар қилинган эди. Ўтган тун давомида яна 14 кишида инфекция аниқланган. Бу эса охирги вақтларда қайд этилган энг яхши статистика бўлиб турибди. Мисол учун, 20 апрелдан 21 апрелга ўтар тунда 23 кишида инфекция аниқланган бўлса, ундан аввал 22 киши касалликка чалингани хабар қилинган эди.
Эслатиб ўтамиз, кеча коронавирус билан касалланган сонидан тузалганлар кўп бўлди. Агар кун давомида 51 киши коронавирусга чалингани аниқланган бўлса, 96 киши тузалиб кетгани хабар қилинди.
Ҳозиргача Ўзбекистонда 357 нафар бемор коронавирусдан тузалиб, оёққа турди, 6 нафари эса вафот этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter