Ўзбекистон халқ артисти Лола Элтоева мукофотида «Энг яхши театр актрисаси» номинациясида мукофот олди. Тадбир турк дунёсининг театр санъати вакилларини бирлаштиради.

Ўзбекистон Миллий академик драма театри актрисаси, халқ артисти Лола Элтоева Истанбулда ўтказилган ТУРКСОЙ халқаро танловида «Энг яхши театр актрисаси» номинациясида мукофотга сазовор бўлди.

Тадбирни Туркиянинг «Анадолу» газетаси билан ҳамкорликда ТУРКСОЙ ташкилоти ўтказган. 2025 йил якунларига кўра, аъзо давлатларнинг театр соҳасидаги етакчи шахслари эътироф этилди.

Бошқа номзодлар:

• Қозоғистондан Эренбак Тойкенов («Энг яхши театр режиссёри»);
• Қирғизистондан Садир Ниязаконнов («Энг яхши сценограф»);
• Озарбайжондан Али Эмирли («Энг яхши драматург»);
• Туркманистондан Батир Чарев («Энг яхши театр актёри»).

ТУРКСОЙ Бош котиби ўринбосари Сайит Юсуф театр турк дунёсининг умумий маданий ўзлигини сақлашда муҳим рол ўйнашини, санъат орқали халқаро алоқалар ижодий жамоаларнинг бир-бирини яхшироқ танишига ёрдам беришини таъкидлади.

Маросим шахсий ютуқларни тан олиш билан бирга, турк дунёси театрларини ривожлантириш, уларнинг маданий меросини намойиш этиш ва мамлакатлар ўртасидаги ҳамкорликни мустаҳкамлаш учун платформа бўлди.