Истасангиз-истамасангиз баъзида телефонингизни бегона қўлларга тутқазишингизга тўғри келади: кимдир қўнғироқ қилиб олай дейди, яна кимдир сизникидек смартфон олмоқчи ва танишмоқчи, хуллас... Хуллас, сиз шахсий файлларингизни ҳеч ким кўришини истамайсиз.

Энг яхши чора — файлларни ёки улар жойлашган папкаларни кўринмас қилиб қўйиш.

Биринчи усул

1) Файллар менежерини очинг

2) Ўзингиз яширмоқчи бўлган папкага ўтинг

3) Унда бўш матнли файл яратинг ва .nomedia деб номланг

4) Смартфонни (ёки планшетни) ўчириб-ёқинг.

Иккинчи усул

1) Файллар менежерини очинг

2) Ўзингиз яширмоқчи бўлган папкани белгилаб олинг

3) Опцияларга кириб бу папкани қайта номланг

4) Шундай қайта номлангки, олдида нуқта бўлсин: масалан, «.downloads»

5) Файллар менежери созламасига кириб, «Яширилган файлларни кўрсатиш» («Показывать скрытые файлы») белгисини олиб ташланг.

Папкани кўринарли ҳолатга қайтариш

Биринчи усул учун

1) Файллар менежерини очинг

2) Агарда .nomedia файлини яратган бўлсангиз, уни ўчириб ташланг

3) Смартфонни (ёки планшетни) ўчириб-ёқинг.

Иккинчи усул учун

1) Файллар менежерини очинг

2) Файлни қайта номлаган бўлсангиз, олдидаги нуқтани олиб ташланг

3) «Яширилган файлларни кўрсатиш» («Показывать скрытые файлы») белгисини ёқинг.