Уйғонгандан кейин бир-икки соат ўтгач, биринчи чашка қаҳвани ичиш яхшидир, деди,  сомнолог-эндокринолог шифокор Даря Лебедева “Gazeta.Ru” нашрига берган интервюсида.

"Уч тоифа одамлар бор: баъзилари қаҳва ичгандан сўнг тетикликни ҳис қиладилар; бошқалари - титроқ ва юрак уриш тезлигининг ошишини ва учинчи тоифа эгалари қаҳвадан кейин ухлашни хоҳлайдилар. Бизда кофеин алмашинуви тезлигида генетик фарқлар бор - кимдир учун у икки соат ичида "ҳавога чиқади", бошқалар учун - 12 соатда. Шу сабабли қаҳва учун тавсиялар ҳаммабоп бўлиши мумкин эмас. Аммо асосий қоидалар мавжуд, масалан, қаҳва учун идеал вақт уйғонгандан кейин бир ёки икки соат ўтгач, кортизол даражаси пасайишни бошлайди. Агар уйқу билан муаммо бўлса, қаҳвани соат 14:00 дан кейин ичмаган маъқул. Тушликдан кейин бир стакан қаҳва ҳам уйқу фазасини сезилмас тарзда ўзгартириши мумкин", деб тушунтирди шифокор.

Агар доимий уйқусизлик ва безовталик бўлса, шифокор қаҳва ичмасликни маслаҳат беради. Бундай вазиятларда шифокор билан маслаҳатлашиш яхшироқ.

"Агар сиз уни онгли равишда ичсангиз, қаҳва ёмон эмас. У диққатни жамлашни, кайфиятни, жисмоний чидамлиликни ошириши мумкин. 

Муаммо ичимликнинг ўзида эмас, балки унинг назоратсиз истеъмолида. Кунига 5-6 стакан қаҳва стресс, уйқусизлик ва бош оғриғининг провокаторига айланади. Бироқ, у аллақачон чарчаган тана учун "таёқ" га айланган бўлса, унинг истеъмолини камайтиринг. Сурункали чарчоқни эътиборсиз қолдирманг, аксинча, уйқуни тикланг», - дея хулоса қилди шифокор.