77 ёшли актёр «Калмар ўйини»даги роли учун «Олтин глобус» мукофотини қўлга киритди
О Ён Су.
77 ёшли актёр О Ён Су корейс актёрлари орасида биринчи бўлиб «Олтин глобус» мукофотига сазовор бўлди. Бу ҳақда «Олтин глобус» сайтида маълум қилинди.
Корейс актёри «Калмар ўйини» сериалидаги роли (001-ўйинчи) учун «Иккинчи пландаги энг яхши эркак актёр» номинацияси ғолиби бўлди. Сериални томоша қилганлар яхши билишади, О Ён Су шов-шувли сериалда тузалмас касалликка йўлиққан 001-рақамли кекса ўйинчи образини гавдалантирган. Сериал охирига бориб жабрланувчи аслида ким бўлгани ойдинлашади...
О Ён Су 1944 йилнинг 1 октябрида туғилган. 19 ёшида театрда дебют қилган. 200 дан ортиқ роллари бор. Ватанида Dong-A театр мукофоти (1979), Baeksang Arts Award мукофоти (1994) ва Корея миллий театр ассоциациясининг энг яхши эркак актёр номинацияларини қўлга киритган. Аммо глобал миқёсда шон-шуҳратга «Калмар ўйини» орқали эришди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter