Бир йилда ички ишлар ходимлари томонидан содир этилган 27 жиноят ўлим билан боғлиқ — вазир
![Бир йилда ички ишлар ходимлари томонидан содир этилган 27 жиноят ўлим билан боғлиқ — вазир](https://xabar.uz/static/crop/1/8/920__95_1857440024.jpg)
2020 йилда ички ишлар ходимлари томонидан 134 та жиноят содир этилган, шундан 27тасида ўлим ҳолати қайд этилган.
Бу ҳақда Ички ишлар вазири Пўлат Бобожонов Сенатнинг ўн учинчи ялпи мажлисидаги нутқида маълум қилди.
«Афсуски, ички ишлар органлари ходимлари орасида ўз ишига масъулиятсизлик билан қараётган, ҳаттоки жиноятга қўл урганлари ҳам йўқ эмас. Шу боис уларни ўқитиш касбга тайёрлаш бўйича яхши механзмлар бўйича ишлаяпмиз.
Илгари тизимга кўчадан, етарли малака ва тайёргарликка эга бўлмаган ходимлар ҳам ишга олинар эди. Ҳозирги кунда эса бу амалиётга чек қўйилган. Уларнинг ўрнига ҳудудлардаги 14та лицейларимиз ҳамда Темурбеклар мактабини тугатаётган йигит-қизларни ишга қабул қиляпмиз. Чунки улар уч йил форма кийган, етарли билим ва тажрибаларга эга ходим бўлиб етишиб чиқмоқдалар.
2020 йилда ички ишлар ходимлари томонидан 134та жиноят содир этилган, унинг 27та ҳолати ўлим билан боғлиқ. Қолган 107та ҳолатда мансаб ваколатидан четга чиқиш, далилларни сохталаштириш, порахўрлик, фирибгарлик каби ҳолатлар аниқланди. Уларга озодликдан маҳрум қилишгача бўлган жазолар бериляпти».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter