БМТ Украинанинг Қрим бўйича резолюциясини қабул қилди
БМТ Бош ассамблеяси Украина томонидан киритилган Қрим ва Севастопол, шунингдек, Қора денгизнинг бир қисми ва Азов денгизини милитаризация қилиш бўйича резолюцияни қабул қилди. Бу ҳақда «АиФ» хабар бермоқда.
Россияга қарши йўналтирилган ҳужжат кўпчиликнинг овози билан қабул қилинди - уни 66 давлат қўллаган, 19 давлат қарши, 72 таси эса бетараф бўлган.
Резолюцияда Бош ассамблея «Қримнинг Россия Федерацияси томонидан секин-асталик билан милитаризация қилинишидан жуда ташвишда» экани қайд этилган. Шунингдек, ҳужжатда ярим оролда ҳарбий машқлар ўтказилишидан ҳам ташвишда экани айтилади.
Эслатиб ўтамиз, Қрим яримороли 2014 йилдан буён Россия Федерацияси таркибига киради. 2018 йил 25 ноябрь куни Украина кемалари Керчда Россия томонидан ушлангач, икки давлат ўртасидаги муносабат кескинлашди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter