Давлат захирасидаги ерни сотишга уринган шахс қўлга олинди
Жиззах вилояти ИИВ тезкор-қидирув хизмати ходимлари томонидан «Хавфсиз ва соғлом юрт» ойлиги доирасида Бахмал туманида тезкор тадбир ўтказилди.
Унда давлат захирасидаги 80 сотих ер майдонини ноқонуний равишда сотишга уринган шахс аниқланди.
Маълум бўлишича, 1961 йилда туғилган Ф.Х. Аламли маҳалласи ҳудудидаги ҳеч қандай ҳуқуқий ҳужжатлари бўлмаган ер майдонини танишлари орқали харидор номига расмийлаштириб беришни ваъда қилган. Бунинг эвазига 230 миллион сўм талаб қилиб, 200 миллион сўмни олаётган вақтида ашёвий далиллар билан қўлга олинган.
Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter