Эрдоған: Туркияни Яқин Шарқнинг энергия марказига айлантиришга қарор қилдик
Туркия президенти Ражаб Тоййиб Эрдўғон мамлакат вазирлар маҳкамаси йиғилишидан сўнг Чайжума-1 конида 3023 метр чуқурликдаги «Фотиҳ» бурғулаш кемаси 58 миллиард куб метр табиий газ захирасини аниқлаганини айтди.
«Қора денгиздаги табиий газ захираларимиз 170 миллиард куб метрга ошиб, жами 710 миллиард куб метрга етди», – деди президент.
«Бугун Туркияда суткалик нефт қазиб олиш 80 минг баррелга етди. Келгуси йилда бу кўрсаткични 100 минг баррелга етказишни мақсад қилганмиз. Биз Туркияни Каспий денгизи, Ўрта ер денгизи ва Яқин Шарқнинг энергия марказига айлантиришга қарор қилдик. Бизнинг асосий мақсадимиз – чет эл нефти ва табиий газидан бутунлай воз кечган ҳолда Туркиянинг энергетик мустақиллигини эълон қилишдир», – дейди Туркия давлат раҳбари.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter