Эрдўғон сайловдан сўнг Россия билан алоқалар қандай бўлишини айтди
Туркия президенти Ражаб Тоййиб Эрдўғон сайловларда ғалаба қозонган тақдирда мамлакат ташқи сиёсати курсида ўзгаришлар бўлмаслигини эълон қилди.
Жумладан, Эрдўғон мамлакатнинг Россияга нисбатан сиёсати ўзгаришсиз қолишини айтган.
Россиянинг Украинага босқинига қарамасдан Туркия расмий Москва билан яхши муносабатларни сақлаб қолмоқда, шунингдек санкцияларга ҳам қўшилмаяпти. Айни дамда расмий Анқара Украинанинг ҳудудий яхлитлигини қўллаб-қувватлаяпти.
Эслатиб ўтамиз, Эрдўғоннинг рақиби Камол Қиличдорўғли аввалроқ Россиядан Туркиянинг ички ишларига аралашмасликни сўраб, изоҳ ёзганди.
Шунингдек, Путиннинг матбуот котиби бунга изоҳ бериб, Россия Туркиянинг ички ишларига аралашмаслиги ва турк халқининг танловини ҳурмат қилишини айтган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter