Инҳа университети абитуриентларга ўз эшикларини очади
![Инҳа университети абитуриентларга ўз эшикларини очади](https://xabar.uz/static/crop/1/5/920__95_1537561508.jpg)
6-7 июнь кунлари Тошкент шаҳридаги Инҳа университетида барча рўйхатдан ўтган абитуриентлар учун консультация куни ўтказилмоқда. Унда абитурентлар имтиҳоннинг ўтказилиш шакли ва тартиби билан танишишмоқда.
Ҳар бир иштирокчига шахсий идентификация рақами туширилган махсус браслетлар берилади.
![](https://static.xabar.uz/uploads/9/720__zNTYA7yQNilQ-IVpsefgOfHof-XnW9hY.jpg)
8-9 июнь кунлари Тошкент шаҳридаги Инҳа университети кириш имтиҳонлари учун рўйхатдан ўтган абитуриентларга ўз эшикларини очади.
2019-2020 ўқув йилида Тошкент шаҳридаги Инҳа университети камида 420 нафар талабани қабул қилишни режалаштирилмоқда.
Эслатиб ўтамиз, Тошкент шаҳридаги Инҳа университетида абитуриентлар учун кириш имтиҳони уч маротаба ўтказилади:
1) Фақат шартнома асосида;
2) Шартнома ва грант асосида;
3) Фақат шартнома асосида.
Кириш имтиҳонлари ҳар бир мавзу бўйича 20 та савол билан ёзма равишда ўтказилади. Жавоблар учун 60 дақиқа берилади. Саволлар умумий ўрта таълим стандарт ўқув дастурига асосланган. SOCIE йўналиши бўйича кириш имтиҳонларини умумий баҳолашда математика даражаси 70%, физика — 30% ни ташкил этади. SOL имтиҳони йўналиши бўйича фақат математика.
Жанубий Кореянинг Инҳа университети вакиллари имтиҳонини очиқ ва ошкораликда ўтказиш ва назорат қилиш мақсадида Тошкент шаҳридаги Инҳа университетига ташриф буюришди.
Шунингдек, Тошкентдаги Инҳа университети оммавий ахборот воситаларининг вакилларини кириш имтиҳонларида иштирок этишга таклиф қилган.
Шуни таъкидлаш керакки, ҳар бир имтиҳон хонасида жонли трансляция мавжуд бўлиб, бу эса абитуриентларнинг ота-оналарига жараённи онлайн томоша қилиш имконини беради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter