Қорақалпоғистон Республикаси, Нукус шаҳрида яшовчи К.Р. (аёл)  ва П.Л. (аёл) ИИОга мурожаат қилиб, «aiaulim.04.04» номли профил эгаси вояга етмаган мактаб ўқувчиларининг сир сақланиши лозим бўлган маълумотларини ошкор қилиш билан қўрқитиб, улардан пул талаб қилаётганлигини маълум қилган.

Тезкор-қидирув хизмати Киберхавфсизлик бўлинмалари ходимлари томонидан ўтказилган тезкор-қидирув тадбирлари натижасида, мазкур жиноятни Қорақалпоғистон Республикаси, Нукус шаҳрида яшовчи 27 ёшли Ж.А. содир этганлиги аниқланган.

Гумонланувчи сифатида тергов ҳаракатларига жалб этилган Ж.А., вояга етмаган жабрланувчилар — С.А. (қиз) ва Ю.Е. (қиз)ларга ўзини қиз бола сифатида таништириб, уларнинг ишончига кириш орқали бир нечта сир сақланиши лозим бўлган шахсий фотосурат ва видеоларини қўлга киритиб, уларни тарқатиш билан қўрқитиб, эвазига 300АҚШ доллари миқдорида пулларни талаб қилган. Мазкур пулларни олаётган вақтида эса тезкор-қидирув хизмати Киберхавфсизлик бўлинмалари томонидан ашёвий далил билан ушланиб, тегишли тартибда ҳужжатлар расмийлаштирилган. 

Мазкур ҳолат юзасидан Ўзбекистон Республикаси ЖКнинг 165-моддаси 2-қисми «а» банди билан жиноят иши қўзғатилиб, М.А.нинг содир этилиб, фош этилмай қолган бошқа шу турдаги жиноятларга алоқадорлигини текшириш мақсадида тезкор-суриштирув ишлари олиб борилмоқда.

Қонунга мувофиқ, Ўзбекистон Республикаси Жиноят кодексининг 165-моддаси 2-қисмидаги жиноий хатти-ҳаракатлар учун 5 йилдан 10 йилгача озодликдан маҳрум қилиш жазоси назарда тутилган.