Италия чемпионати етакчилари ўйинга ноодатий футболкаларда чиқишди
Италия А серияси турнир жадвалида етакчилик қилаётган «Наполи» жамоаси 7 ноябрь куни «Верона»га қарши ўйинни ноодатий футболкаларда ўтказди.
Неаполликлар футболкаларига жамоанинг афсонавий форварди Диего Марадонанинг тасвири туширилганди. Жамоа 2020 йилнинг 25 ноябрида оламдан ўтган буюк футболчининг хотирасига шу тарзда эҳтиромини изҳор этди.
«Наполи» махсус футболкалар (Maradona Game)да Италия чемпионатидаги яна икки ўйинни ўтказиши ҳақида жамоа расмий сайти хабар берди. «Наполи»нинг «Верона»га қарши биринчи ўйини дуранг билан тугади — 1:1.
Маълумот учун: Диего Марадона «Наполи» билан биргаликда икки маротаба А серия чемпиони бўлиб, мамлакат кубоги ва суперкубогини ҳамда УЕФА кубогини қўлга киритган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter