Журналист талабалар Туркияда малака оширади
Ўзбекистон Журналистика ва оммавий коммуникациялар университети ректори бошчилигидаги делегация Туркияга борди. Бу ҳақда «TRT avaz» хабар бермоқда.
Ректор Шерзод Қудратхўжаев бошчилигидаги делегация аъзолари Туркия радиотелевидение ташкилотида бўлди.
«TRT» бош директори Иброҳим Эрен ва «TRT avaz» канали координатори Седат Сағиркая ҳамда Шерзод Қудратхўжаев медиа тизимида ҳамкорлик масалаларини муҳокама қилишди.
Ўзбекистон Журналистика ва оммавий коммуникациялар университетининг иқтидорли талабалари «TRT»да малака ошириши, «TRT»нинг салоҳиятли бошловчилари эса Ўзбекистон Журналистика ва оммавий коммуникациялар университети талабаларига сабоқ бериши зарурлиги айтиб ўтилди.
Шерзод Қудратхўжаев Ғозий, Ҳожаттепа, Анқара университетиларига ҳам борди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter