Коронавирус сабабли Chevrolet Equinox автомобилини етказиб бериш кечикади
Коронавирус эпидемияси туфайли Хитойда ишлаб чиқариладиган эҳтиёт қисмлар етишмовчилиги юзага келиб, жаҳоннинг кўпгина автомобил заводлари ишлаб чиқаришни вақтинча тўхтатиб қўйишди.
Ушбу фавқулодда вазият сабаб Chevrolet Equinox автомашиналарини етказиб бериш эпидемия билан боғлиқ вазият ўзгаргунига қадар кечиктирилиши мумкин. Бу ҳақда UzAuto Motors матбуот хизмати хабар берди.
Эслатиб ўтамиз, Chevrolet Equinox автомобили учун шартномалар тарқатилиши ўтган йилнинг 27 декабридан UzAuto Motors компаниясининг Ўзбекистондаги барча дилерлик дўконларида бошланган эди.
Компания вақтинчалик ноқулайликлар учун узр сўраган. Одатий режимда етказиб беришни қайта тиклаш тўғрисида компаниянинг расмий манбаларида хабар берилиши маълум қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter