Нетаняҳу Трампнинг олдида Қатардан узр сўради
Исроил Бош вазири Бинямин Нетаняху Қатарга ҳужум сабаб узр сўраб чиққани хабар берилди.
Исроил ҳукумати раҳбари Қатар бош вазири Муҳаммад бин Абдулраҳмон Ол-Танига қўнғироқ қилиб, Исроилнинг 9 сентябр куни Доҳага берган зарбаси учун узр сўради. Ҳужумда Қатар хавфсизлик зобити ва Фаластин ҲАМАС ҳаракатининг бир неча аъзоси ҳалок бўлганди.
Исроилнинг 12-каналига кўра, қўнғироқ Оқ Уйдан туриб, Нетаняхунинг АҚШ президенти Доналд Трамп билан учрашуви чоғида амалга оширилган, у ҳам қўнғироқда иштирок этган.
Хабар қилинишича, Нетаняху Қатар суверенитети бузилганидан афсусда эканини билдирган ва қурбоннинг оиласига товон пули тўлаш имкониятини кўтарган.
Эслатиб ўтамиз, Исроил 9 сентябр куни Доҳага зарбалар берди. Ҳужум сабаб 6 киши ҳалок бўлди. Ушбу ҳужумни, жаҳон ҳамжамияти, жумладан Ўзбекистон ҳам қоралади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter