Оксфорд ва Кембриж Британиянинг энг нуфузли университетлари кучли учлигига киритилмади
Буюк Британиянинг энг қадимий ва нуфузли университетлари — Оксфорд ва Кембриж 1993 йилдан буён илк маротаба The Times ва The Sunday Times томонидан тузиладиган Good University Guide рейтинги кучли учлигига киритилмади. Бу ҳақда Daily Mail хабар берди.
Лондон иқтисодиёт мактаби (LSE) қаторасига иккинчи йил Буюк Британиядаги энг яхши олий ўқув юрти дея эътироф этилди.
Иккинчи ўрин Шотландиянинг энг кўҳна Сент-Эндрюс университетига берилди. Ўтган йили бешинчи ўринни эгаллаган Дарем университети учинчи ўринга кўтарилди.
Оксбриж (Oxbridge) — Оксфорд ва Кембриж рейтингнинг тўртинчи қаторига жойлаштирилди.
Дарем университети таҳсил бериш ва тадқиқотлар кўлами, талабаларни қаноатлантиш ва битирувчиларнинг натижалари бўйича кўплаб рақобатчиларни ортда қолдирди. Университет битирувчиларни ишга жойлаштириш бўйича умумий рейтингда 6-ўринни эгаллаган Лондон Империал коллежидан кейин иккинчи ўринни эгаллади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter