«Лайфхакер» йўлда кетаётганингизда севимли кўрсатув ёки футбол учрашувини кўришингизга имкон берадиган ажойиб сервислар ҳақидаги маълумотлар билан бўлишди.

«Tviz»

Платформалар: «Android», «iOS».

Каналлар сони: 200 дан ортиқ, уларнинг 160 таси бепул.

Мобиль дастурдаги барча телеканаллар тўғридан-тўғри эфир орқали узатилади, ёзиб олинган дастурларни кўришнинг имконияти йўқ. Контентнинг бир қисмини пул тўламасдан кўриш мумкин, бироқ унда рекламалар мавжуд. Шунингдек, сервиснинг пулли вариант ҳам бўлиб, у орқали сиз турли каналлар гуруҳидан фойдаланишингиз мумкин. Энг арзон тариф бир ой учун 29 (51 цент) рублдан бошланади.

«Tviz»дан телевизор учун дастур-компаньон сифатида ҳам фойдаланса бўлади. У телевизор томоша қилаётганингизда эфирдаги дастурни овозидан танийди ва профилига чиқаради: номи, мазмуни, расмий сайти, жадвали ва ҳоказо. Бундан ташқари «Tviz» сиз истаган теледастурларнинг эфирга узатилиш вақти ҳақида огоҳлантириш жўнатиб туради.

«Laym HD TV»

Платформалар: «Android», «iOS», Windows, Смарт ТВ, приставкалар.

Каналлар сони: 200 дан ортиқ, уларнинг 50 тасидан мобил қуриламалар учун бепул фойдаланиш мумкин.

Маълум бир фойдаланувчи учун мўлжалланган каналлар сони платформа ва тариф режасига боғлиқ. Масалан, «Laym HD TV» мобиль дастури орқали 50 та канални бепул, бироқ реклама билан кўриш мумкин. «Android» ва «iOS»лар учун рекламаларни олиб қўйиш баҳоси ойига 49 рубл (87 цент). Бошқа каналлардан фойдаланиш учун яна пул тўлаш лозим. Қолган платформалар учун фақатгина пулли тарифлар мавжуд.

«Laym HD TV» орқали кўрсатувларни тўғридан-тўғри кўриш ва ёзиб олиш мумкин. Бундан ташқари айрим таърифлар онлайн-кинотеатрлардаги фильм ва сериалларни ўз ичига олади.

«Peers.TV»

Платформалар: веб, «Android», «iOS», Смарт ТВ, приставкалар

Каналлар сони: 80 дан ортиқ, улардан салкам 30 таси бепул

«Peers.TV» тўғридан-тўғри эфирларни намойиш этиш билан бирга, яқинда эфирга узатилган кўрсатувларни ҳам кўриш имкониятини тақдим этади. Шунингдек, сиз шахсий архивингизга ёзиб олинган кўрсатувларни ҳам қўшишингиз мумкин, мазкур кўрсатув у ерда бир ой сақланади. «Peers.TV» орқали сериаллар ва фильмлар кўришнинг иложи бор.

Сервиснинг бепул версиясида рекламалар бор ва айрим каналлар блокланган. 59 рубл (1,05 доллар) эвазига сиз 5 та пулли каналлардан фойдаланиш ва рекламаларни ўчириб қўйиш имкониятига эга бўласиз.

Таъкидлаш керакки, сервис фимларни ва трансляцияларни юклаб олиб, офлайн режимда кўриш имкониятини тақдим этади.