Орол бўйидаги қудуқдан газ чиқди
Орол денгизи яқинидаги газ қудуқларидан табиий газ қазиб чиқариш бошланган. «Эркин Қарақалпақстан» газетасининг расмий интернет саҳифасида келтирилган маълумотларга кўра, «Устюрт геофизика» экспедиция филиали жамоаси бир қанча газ қудуқларида қазишма ишларини олиб борган. Куни кеча уларнинг биридан кўп миқдорда газ чиқа бошлади, дея маълум қилган филиал мутахассиси Мақсет Реймов.
Ўтган йилларда Арслон, Ином, Қизил-Шоли, Сайхун, Бешқалъа конлари очилган эди. 2018-йил ушбу ҳудуднинг 25 жойида қидирув ишлари якунланиб, яна тўртта истиқболли структура тайёрлаш филиал дастурига киритилган. Ҳозирги кунда Устюрт ҳудудида 4200 метгача чуқурликда жойлашган пастки юра қатламларидан газ ва газ конденцанти маҳсулотларини олиш давом этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter