Ўзбекистон U-17 жаҳон чемпионати йўлланмасини қўлга киритди
Сергей Чигодаев мураббийлигидаги Ўзбекистон U-17 терма жамоаси 2026 йилда Қатарда бўлиб ўтадиган Жаҳон чемпионатига йўлланмани қўлга киритди.
Осиё кубоги гуруҳ босқичида ўзбек футболчилари Ҳиндистон терма жамоасини 3:0 ҳисобида ишончли тарзда мағлуб этишди. Пеналтидан гол урган Лазиз Абдураимов ва Аҳрорбек Равшанбеков голларга муаллифлик қилишди, Ҳиндистон терма жамоаси эса автогол ҳам урди.
Ушбу ғалаба билан Ўзбекистон терма жамоаси турнирнинг плей-офф босқичига эрта йўлланмани ва U-17 Жаҳон чемпионатига йўлланмани қўлга киритди.
Мусобақа регламентига кўра, гуруҳда дастлабки икки ўринни эгаллаган жамоа Жаҳон чемпионатига йўлланма олади.
Энди Ўзбекистон гуруҳ етакчилиги учун Австралияга қарши ўйнайди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter