«Ўзбектелеком» янги лойиҳани тақдим этди
Ахборот оқимида энг муҳим воқеалардан бехабар қолиш осон. Аввал шундай эди, лекин энди UZTELECOMнинг янги «ICT AUDIO NEWS» лойиҳаси орқали — АКТ дунёсидаги янгиликлар сизни четлаб ўтмайди, деб хабар берди «Ўзбектелеком» АК матбуот хизмати.
Маълум қилинишича, телеграм каналда моҳир суҳандонлар соҳа янгиликларини ўқиб эшиттирадилар, АКТ соҳасидаги жаҳон тенденциялари ҳақида гапирадилар. Лойиҳанинг ташкил этилиши Ўзбекистонда АКТни ривожлантириш учун яна бир ижобий туртки бўлишига умид билдирилган.
«Ҳозирда «ICT AUDIO NEWS» тест режимида ишламоқда, лекин биз уни биргаликда ривожлантиришимиз мумкин. Ғоя ва таклифларингизни audionews@uztelecom.uz манзилига юборинг», дейилади хабарда.
Ҳозиргача ушбу каналга жойлаштирилган аудио хабарлар рус тилида ва асосан хориж янгиликларидан иборат эканлигини қайд этиш лозим.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter