Молдова президенти кортежи юк машинаси билан тўқнашди (видео)
Молдова президенти машинаси
Бугун, 9 сентябр куни Молдова президенти Игорь Додон ЙТҲга учради. Унинг кортежидаги иккита автомобил юк машинаси билан тўқнашиб кетди. Ҳодиса оқибатида машиналардан бири ағдарилиб кетган, президент ва унинг ўғли кичик лат ейишлар билан кифояланган.
Ҳодиса Кишинёв яқинидаги трассада рўй берган. Қуш боқувчи фабрика юк автомобили олдидаги машиналарни қувиб ўтиш учун йўлнинг тўғрима-тўғри қаторига чиққан ва ўз қаторига қайтишга улгурмай Молдова президентининг кортежига урилган.
Маҳаллий ОАВнинг ёзишича, аварияда президентнинг онаси қаттиқ жароҳатланган.
Президент маслаҳатчиси Максим Лебединский ўзининг «Facebook»даги саҳифасида давлат раҳбарининг аҳволи яхши эканини, унга тиббий ёрдам керак бўлмаганини ёзган.
Кейинроқ президентнинг ўзи ҳам чиқиш қилиб аҳволи яхши эканини маълум қилган.
Аввалроқ Абхазия бош вазири Геннадий Гагулия Гудуат туманида содир бўлган ЙТҲда ҳалок бўлгани ҳақда хабар қилган эдик.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter