Қатар газни суюлтириш жараёнини тўлиқ тўхтатди
Яқин Шарқдаги нотинчлик фонида Қатарнинг «QatarEnergy» давлат энергетика компанияси 4 март куни газни суюлтириш жараёнини тўлиқ тўхтатди, деб хабар берди Reuters. Агентлик манбаларига кўра, компания камида икки ҳафта давомида завод ишини қайта тикламайди.
Ишни давом эттириш бўйича қарор қабул қилинганидан кейин ҳам газни ўта совитилган ёнилғи ҳолатига келтириш ва тўлиқ қувватга чиқиш учун яна икки ҳафта вақт талаб этилади.
Дунё бўйича суюлтирилган табиий газ (СТГ) экспортининг қарийб 20 фоизи Қатар ҳиссасига тўғри келади. Мамлакат газ экспортининг 80 фоиздан ортиғи Хитой, Япония, Ҳиндистон, Жанубий Корея, Покистон ва минтақадаги бошқа давлатларга тўғри келади.
Агентликнинг эслатишича, 2 март куни Осиёда суюлтирилган табиий газнинг базавий нархлари қарийб 40 фоизга ошган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter