Россиянинг энг оммабоп кроссоверлари рейтинги эълон қилинди
«Автостат» таҳлилий агентлиги Россияда энг оммабоп кроссовер машина турларини аниқлади, дея хабар беради «РИА Новости» ахборот агентлиги.
Рейтингда «ЛАДА 4х4» русумли йўлтанламас машина етакчилик қиляпти. Айни пайтда Россияда 1 миллион 173,5 минг дона ана шундай машина бор.
Иккинчи ўринни «Chevrolet Niva» банд этган. Бу машина ихлосмандлари 587,6 мингни ташкил этади. Учинчи ўрин эса «Toyota RAV4»га насиб этган. Бу тур 377,6 мингта машина бор.
Дастлабки бешликка, шунингдек, «Renault Duster» (345,9 мингта) ва УАЗ-3151 (311,2 мингта) маркали машиналар кирган.
Шу билан бирга, биринчи ўнталикка «Nissan X-Trail», «Nissan Qashqai», «Mitsubishi Outlander», «Honda CR-V» ва «Volkswagen Tiguan» русумли кроссоверлар кирган.
2018 йил 1 июль ҳолатига кўра, Россияда 9,5 миллион дона йўлтанламас машина бор. Бу кроссоверлар мамлакатдаги енгил автомашиналарнинг 22 фоизини ташкил этади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter