Сурхондарёда 2,5 кг, Тошкентда 3 кг наркотик моддалар мусодара қилинди
Сурхондарёда 2,5 кг опий моддаси, Тошкентда 3 кг кўкнори бошоқлари мусодара қилинди.
ДХХнинг Сурхондарё вилояти бошқармаси ходимлари ва Чегара қўшинлари Ўзбекистон-Афғонистон давлат чегарасининг Термиз тумани ҳудудидан ўтувчи қисмида номаълум кимсалар ташлаб кетган, умумий оғирлиги 2 килограмм 562 грамм “опий” гиёҳвандлик моддасини топишди.
Ҳолат юзасидан жиноят иши қўзғатилиб, унинг эгаларини аниқлаш бўйича зарур чора-тадбирлар кўрилмоқда.
Бундан ташқари, ДХХнинг Тошкент шаҳар бошқармаси ҳамда пойтахт ИИББ ходимлари ҳамкорлигида ўтказилган тезкор тадбирда Чилонзор туманида истиқомат қилувчи 1974 й.т. шахснинг яшаш хонадонида 2 кг 930 гр кўкнори бошоқлари борлиги аниқланиб, процессуал тартибда олиб қўйилди.
Ҳозирда ҳолат юзасидан дастлабки суриштирув ишлари олиб борилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter