Тадбиркорлар жариманинг 50 фоизини тўлаб, қолган қисмидан озод этилиши мумкин
Қонунчилик палатаси депутатлари бугунги мажлисида молиявий жарималарни қўллаш тартибини енгиллаштиришга қаратилган қонун лойиҳасини учинчи ўқишда қабул қилиб, Сенатга юборди.
Ҳужжатга кўра, тадбиркорлар жарима солиш тўғрисидаги қарор топширилган кундан бошлаб бир ой ичида жариманинг 50 фоизини ихтиёрий тўласа, қолган қисмини тўлашдан озод этилиши мумкин.
Шунингдек, жаримани 6 ой давомида бўлиб-бўлиб тўлаш имконияти назарда тутилмоқда.
Агар жарима тўғрисидаги қарор бекор қилинса ёки ҳақиқий эмас деб топилса, ноқонуний ундирилган маблағ қайтарилади. Қайтариш кечиктирилган тақдирда, Марказий банк асосий ставкасининг уч юздан бири миқдорида фоиз тўлаш тартиби жорий этилади.
Ҳозирча бу қоидалар қонун лойиҳасида назарда тутилган, кучга кирмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter