Таниқли футболчи B серия жамоасига ўтди
Испаниялик таниқли футболчи Сеск Фабрегас Италия В сериясининг «Комо» жамоаси билан бир йиллик шартнома имзолади. «Монако»дан кетган 35 ёшли яримҳимоячи эркин агентга айланганди.
Унга МЛСдан ҳам таклиф бўлган, бироқ ўзи Европада қолишни истаган.
«Комо» — Фабрегас фаолиятидаги бешинчи жамоа. Бунгача «Арсенал», «Барселона», «Челси» ва «Монако» сингари донгдор жамоаларда тўп сурган. Испания терма жамоасида 110 ўйинда 15 гол киритган. 2010 йилда терма жамоа билан жаҳон чемпиони, 2008 ва 2012 йилларда Европа чемпиони бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter