Тўрткўл туманида замон талабларига мос тарзда жиҳозланган рақамли технологиялар ўқув маркази очилди.

Мазкур тадбирда Тўрткўл тумани ҳокими, Aхборот технолигиялари ва коммуникацияларини ривожлантириш вазирлиги Қорақалпоғистон Республикаси ҳудудий бошқармаси бошлиғи, «Узтелеcом» AЖ Қорақалпоғистон Республикаси филиали бошлиғи ҳамда IT марказ филиали директори қатнашдилар.

Шу билан бирга, ТAТУ Нукус филиали профессор ўқитувчилари ва барча ахборот технологиялари ташкилот раҳбарлари, қизиқувчи ёшлар, ўқувчилар қатнашди.

Бошқа барча IT марказларда бўлганидек, Тўрткўл тумани филиали марказида ҳам керакли технологик воситалар билан таъминланган марказда ёшларга ахборот технологиялари, дастурлаш, веб дастурлаш, мобиль иловаларни яратиш, IT ишбилармонлик ва лойиҳаларни бошқариш асосларини ўргатиш, ахборот технологиялари соҳасида стартап лойиҳаларнинг қўллаб-қувватланишнинг замонавий ва натижали механизмларини яратиш, компьютер технологиялари, робототехника ва киберспорт соҳаларини ўргатиш учун барча шарт-шароитлар яратилган.

Шу билан биргаликда ўқув марказида тумандаги корхона ва ташкилотлар раҳбарлари ва ходимларини ахборот-коммуникация технологиялари соҳасида малакасини ошириши режалаштирилган.