Тошкент шаҳрида совуқ сув нархи 24 апрелдан эътиборан ошди. Бу ҳақда «Сувсоз» томонидан бир кундан сўнг расмий хабар берилди.

Ташкилот расмий сайтида 25 апрелда берилган хабарда шундай дейилади:

«Тошкент шаҳар ҳокимининг 2019 йил, 2 апрелдаги №499 сонли қарорига асосан Тошкент шаҳрида совуқ сув учун қуйидаги тариф ўрнатилади.

Тошкент шаҳар ҳокимининг 2018 йилнинг 12 январдаги №69 сонли қарорига асосан Тошкент шаҳрида совуқ сув етказиб бериш учун 2018 йилдаги тарифга нисбатан 1 метр куб учун 100 сўм миқдорида устама ҳақ қўшилади» .

Хусусий уйларда:

Канализация ўтказилган уйда 1 метр куб учун = 715 сўм

Канализация ўтказилмаган уйда 1 метр куб учун = 380 сўм.

Кўп қаватли уйларда:

Марказлашган иссиқ сув таъминоти бор уйда 1 метр куб = 1050 сўм.

Марказлашган иссиқ сув таъминоти бўлмаган уйда бир метр куб = 715 сўм.

Шунингдек канализация ўтказилган хусусий уйларда ички водопровод, раковина, унитаз, ванна (ҳаммом) ёки ички сув иситиш тизимига эга душ бўлган тақдирда бир киши учун 1 майдан эътиборан 10 116,43 сўм тўланади. Тариф кўтарилгунга қадар 8933,22 сўм бўлган. 2019 йилнинг апрел ойидан эса 9083,15 сўм бўлди.