Тошкентдаги «Sigma» бизнес марказида ёнғин келиб чиқди (фото, видео)
Тошкент шаҳар Миробод тумани ҳудудида жойлашган «Sigma» номли бизнес марказининг биносида ёнғин чиққани маълум қилинди. Бу ҳақда 2018 йил 19 июль куни соат 05:17 да Тошкент шаҳар ИИББ ЁХБга ёнғин содир бўлаётгани хабар қилинган.
«UzNews.uz» маълум қилишича, Тошкент шаҳар ИИББ ЁХБнинг Жанговар бўлинмалари томонидан кўрилган тезкор ҳаракатлар натижасида ёнғин соат 05:49 да бартараф этилган. Ёнғин оқибатида «Sigma» бизнес маркази биносининг ташқи қопламаси 30 кв.м. майдонида ҳамда ушбу марказнинг 4-қаватида жойлашган ижарада бўлган соғломлаштириш марказининг хонаси 25 кв.м. майдони ёнган.
Ёнғин сабаби ва келтирилган моддий зарар миқдори аниқланмоқда. Шу муносабат билан, Тошкент шаҳар ИИББ Ёнғин хавфсизлиги бошқармаси, иқтисодиёт тармоқлари ва ижтимоий соҳа объект раҳбар ва ходимларини ёнғин хавфсизлиги қоидаларига қатъий риоя этишларини сўрамоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter