Президент хавфсизлик хизматига янги ваколатлар берилади
Ўзбекистон Президенти давлат хавфсизлик хизмати ташкил этилгани муносабати билан 12 та қонун ҳамда 3 та кодексга ўзгартиш ва қўшимчалар киритилмоқда.
Сенат мажлисида парламент аъзолари «Хавфсизлик ва мудофаа соҳасидаги қонун ҳужжатлари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонунни кўриб чиқишган.
Хусусан, Ўзбекистон Президенти давлат хавфсизлик хизматининг терроризмга қарши курашиш, тезкор-қидирув фаолияти, ҳуқуқбузарликларнинг олдини олиш бўйича ваколатлари назарда тутилмоқда.
Шунингдек, муддатли ҳарбий хизматни офицерлар таркиби лавозимларида ўтаётган офицерлар учун ва муддатли ҳарбий хизматни оддий аскарлар ҳамда сержантлар таркиби лавозимларида ўтаётган ҳарбий хизматчилар учун муддатли ҳарбий хизматни ўташнинг ягона муддати белгиланган.
Бундан ташқари, чақирилувчиларни ҳарбий-техника мутахассисликлари бўйича тайёрлаш Мудофаага кўмаклашувчи «Ватанпарвар» ташкилотининг ўқув муассасаларида эмас, балки Мудофаа ишлари бошқармалари ҳузуридаги чақирилувчиларни ҳарбий-техника мутахассисликлари бўйича тайёрлаш марказларида амалга оширилади.
Қонун сенаторлар томонидан маъқулланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter