Каталониянинг «Барселона» клуби сардори Лионель Месси 2021 йил ёзида Франциянинг «ПСЖ» клуби сафига ўтиши эҳтимоли ҳақида хабарлар пайдо бўлди.

«Месси 2021 йил ёзида «ПСЖ»га ўтади. Бу ҳазил эмас», — дея таъкидлади «RMC Sport» радиостанцияси журналисти Даниэл Риоло.

🗣💬 "Messi sera au PSG l'année prochaine. Je suis très sérieux. Messi sera au PSG l'année prochaine"

🔵🔴 Daniel Riolo l'affirme, Messi va rejoindre Neymar à Paris la saison prochaine#RMCEuropa pic.twitter.com/FF3NZ4ZfEV

— RMC Sport (@RMCsport) December 3, 2020

Аргентиналик 33 ёшли футбол юлдузининг «Барселона» билан шартномаси муддати келгуси йил ёзида ниҳоясига етади. Месси август ойида, жамоа раҳбарияти билан низо сабабли, «Барселона»ни тарк этишга уриниб кўрганди. Кейинчалик эса жамоа билан муносабатлари судгача етиб боришини истамаслиги ҳамда оиласи Каталонияда қолиш ниятида эканини маълум қилиб, аҳдидан қайтганди. 27 октябрда клуб президенти Хосеп Бартомеу истеъфога чиқди.

Мессига харидорлар навбатида парижликлардан ташқари, Англиянинг «Челси» ва «Манчестер Сити» клублари ҳам бор.