Майк Тайсон рингга қайтмоқда
Бокс афсонаси Майк Тайсон 2005 йилдан бери илк марта профессионал рингга қайтмоқда. Кузда у видеоблогер Жейк Полга қарши рингга кўтарилади.
Саккиз раундлик жанг 15 ноябр куни Техасда, 80 минг томошабинга мўлжалланган AT&T Stadium стадионида бўлиб ўтади. Бу ҳақда таниқли промоутерлик компанияси ўз Instagram саҳифасида маълум қилди.
Майк Тайсон ҳозир 58 ёшда. Профессионал фаолиятига нуқта қўйган 2005 йилдан буён икки марта кўргазмали жанг ўтказган. Уларнинг сўнггиси — 2020 йилда яна бир бокс афсонаси Рой Жонсга қарши ўтказилган жангда дуранг қайд этилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter