Роналду: катта футболнинг — катта футболчиси
Португалия терма жамоаси ва «Ан-Наср» (Саудия Арабистони) футболчиси Криштиану Роналду юқори даражада ўтказилган ўйинлар сони бўйича жаҳон рекордини ўрнатди. Бу ҳақда Халқаро футбол тарихи ва статистикаси федерацияси (IFFHS) матбуот хизмати хабар берди.
Роналду Португалия ва Ирландия ўртасидаги ўртоқлик ўйинида иштирок этиб, 50 ва 60-дақиқаларда урган голлари билан жамоасининг 3:0 ҳисобидаги ғалабасига катта ҳисса қўшди. Ушбу учрашув Роналду катта футболда ўтказган 1226-ўйин бўлди. У бу кўрсаткич бўйича Бразилия терма жамоаси ва «Сан-Паулу» дарвозабони Рожерио Сени (1225)ни қувиб ўтди.
Манбага кўра, Роналду Португалия, Англия, Испания, Италия ва Саудия Арабистони чемпионатларида жами 698 марта майдонга тушган. Қолаверса, ушбу мамлакатларнинг кубок ва суперкубок учун ўтказилган 101 ўйинида тўп сурган. Клублар ўртасидаги халқаро турнирларда 220 та, Португалия терма жамоаси сафида 207 та ўйин ўтказган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter