Роналду термага керакми? Португалия президенти жавоб берди
Португалия президенти Марсело Ребело де Соуза ҳужумчи Криштиану Роналдунинг миллий терма жамоа учун аҳамияти ҳақида гапирди.
40 ёшли сардор дисквалификация туфайли Жаҳон чемпионати саралаш босқичининг сўнгги ўйинини ўтказиб юборди. Мазкур ўйинда Португалия Арманистонни мағлуб этди (9:1) ва 2026 йилги Жаҳон чемпионатига тўғридан-тўғри йўлланмани қўлга киритди.
"Роналду учун миллий терма жамоада ҳар доим ўрин бор. Бу сафар унинг ўйинда бўлмагани ачинарли. Унинг ўзиям бу вазиятда ўйнай олмаганидан жуда афсусланаётган бўлса керак", дея Марсело Ребело де Соузадан иқтибос келтиради Al Nassr Zone нашри.
Криштиану Роналду Ирландияга қарши ўйинда қизил карточка олгани учун дисквалификация қилинган эди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter