Тарихий жанг: баҳорда Мейвезер ва Тайсон жанги бўлиб ўтади
Бокс оламида яна бир катта воқеа кутилмоқда. Афсоналар — 48 ёшли Флойд Мейвезер ва 59 ёшли Майк Тайсон 2026 йил баҳорида рингга чиқиши ҳақида расман эълон қилинди. Бу жанг мухлислар учун ҳақиқий шоуга айланиши кутилмоқда.
Флойд Мейвезер 2017 йилда профессионал карьерасини 50–0 рекорд билан якунлаган. У шундан кейин фақат шоу-жангларда иштирок этиб келмоқда. Майк Тайсон эса 2024 йилда Жейк Полга қарши рингга чиққан ва бугунги кунда ҳам жамоатчилик диққат марказида.
Майк Тайсон бу учрашувни «замонавий бокснинг янги даври» деб атади ва ҳатто Мейвезерга «бу жанг соғлиғингга таъсир қилиши мумкин» деб ҳазил ҳам қилди.
«Бу жанг бокс олами ҳеч қачон кутмаган жанг бўлди. Буни ҳатто тасаввур ҳам қилиб бўлмасди. Аммо бугун спортимиз олдиндан айтиб бўлмайдиган даврга қадам қўймоқда ва бу учрашув ҳаммасидан ҳам кутилмагани бўлади», – дейди Тайсон.
Мейвезер эса ўзига ишонган ҳолда мухлисларга ёрқин томоша ваъда қилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter