Афросиёб поездларида Wi-Fi’дан ҳам фойдаланиш мумкин
Афросиёб тезюрар поездларида Wi-Fi’дан ҳам фойдаланиш мумкин. Бу ҳақда Рақамли технологиялар вазири Шерзод Шерматов эслатиб ўтмоқда.
«Яқинда Бухорога поездда бориб-келишда эътибор қилсам, ҳали ҳам кўпчиликни Uztelecom Wi-Fi хизматларини ишга туширганидан хабари йўқ экан», – деб ёзади вазир.
Шерматов, шунингдек ушбу хизмат турини текшириб кўрганини ва Youtube платформасида фойдали китобларни яхши тушунтириб берган видеоларни кўриб келганини қўшимча қилган.
Вазир Wi-Fi хизматини йўлга қўйиш учун тезюрар поездларнинг ичига қўшимча ускуна қўйишга тўғри келганини қайд этиб, келгусида харид қилинадиган янги поездларни бошидан ичидаги тегишли телекоммуникация ускуналари билан олинишига умид билдирган.
Унинг изоҳ беришича, тез ҳаракатланадиган ва метал кўп ишлатилган вагонларда ташқаридаги алоқа сигналлари абонентларга етиб боришида муаммо бўлади, шунинг учун уларни ичида тегишли қурилма ўрнатилиши шарт.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter