Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Бу тангадаги шифрни бузганлар ишга олинади

Бу тангадаги шифрни бузганлар ишга олинади

Фото: ABC News

Австралияда ташқи разведка хизматининг киберхавфсизлик агентлиги (Австралия сигналлар бошқармаси — ASD) 75 йиллиги муносабати билан эсдалик тангаси чиқарилди. Бу ҳақда ABC News хабар берди.

Тангада турли мураккабликдаги шифрлар акс этган, уларни буза олганларни Австралия ташқи разведкаси ишга олади.

Фото: ABC News
Фото: ABC News

ASD бош директори Рейчел Ноублнинг айтишича, танга агентлик аъзолари меҳнатини шарафлаб, кодларни бузиш эволюциясини ифодалайди.

«Иккинчи жаҳон уруши пайтида одамларимиз: ҳарбийлар, фуқаролар япон ҳарбий кодларини қоғоз ва қаламда ечиб, Япония ҳарбийлари қаердалигини кўрсатиш учун иттифоқчи кучларга юборишган», — деди Ноубл.

ASD бош директори Рейчел Ноубл ва мамлакат зарбхонаси раҳбари Ли Гордон.
Фото: ABC News

Ноублнинг таъкидлашича, тангадаги кодларни ечишнинг барча тўрт босқичидан ўта олганлар бемалол Австралия сигналлар бошқармасига ишга кириш учун ариза ёзишса бўлади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг