Ko‘p yillardan beri Toshkent shahar hokimi lavozimida faoliyat olib borgan Rahmonbek Usmonov o‘z vazifasidan ozod etildi. Bu haqda «Xabar.uz» manbasi xabar berdi.

Lekin hozircha ushbu xabar rasman tasdiqlanmagan. 

R.Usmonov 2012-yildan beri Toshkent shahar hokimi vazifasida ishlab kelayotgan edi.

Ma’lumot uchun: Usmonov Rahmonbek Jahongirovich 1960-yil Toshkent shahrida tug‘ilgan. Millati o‘zbek. Ma’lumoti oliy. 1982-yil Toshkent avtomobil yo‘llari institutini tamomlagan.

«Mehnat shuhrati» ordeni bilan taqdirlangan.

1977–1982-yillar — Toshkent avtomobil yo‘llari instituti talabasi.

1982–1990-yillar — 1-Avtokorxona uchastka ustasi, avtokolonna boshlig‘i, katta muhandisi, tasarruf bo‘yicha direktor o‘rinbosari.

1990–1993-yillar — «O‘zagroqurilish» birlashmasiga qarashli «Agroqurilishmexservis» ishlab chiqarish informatsiya boshqarmasi boshlig‘i, qurilishmexservis direktori, bosh direktor o‘rinbosari.

1993–1996-yillar — 1-Avtokorxona direktori.

1996–1996-yillar — «Toshshaharyo‘lovchiavtotrans» birlashmasi boshlig‘i.

1996–2001-yillar — «Toshshaharyo‘lovchitrans» davlat uyushmasi boshqaruvi raisining o‘rinbosari.

2001–2003-yillar — Mirzo Ulug‘bek tumani hokimining birinchi o‘rinbosari.

2003–2005-yillar — Yakkasaroy tumani hokimi.

2005–2011-yillar — Toshkent shahar hokimining kapital qurilish, kommunal xo‘jaligi, obodonlashtirish, sanoat va tadbirkorlik masalalari bo‘yicha birinchi o‘rinbosari.

2011–2012-yillar — Toshkent shahar hokimi vazifasini bajaruvchisi.

2012–2018-yillar — Toshkent shahar hokimi.