Ota-onaning bolaga baqirib tarbiya berishi xavfli — psixolog
Ota-onalarning bolaga ovozini baland ko‘tarib gapirish odati bola ruhiyati uchun xavflidir.
Bu haqda bolalar psixologi Natalya Derbeneva ma’lumot bermoqda.
Mutaxassisning fikricha, bolalar kattalarning xatti-harakatlariga faol taqlid qiladilar va oiladan nafaqat yaxshi, balki yomon odatlarni ham oladilar.
«Shuning uchun, agar bola sizga gap qaytara boshlasa, boshqa hurmatsizlik qilsa, o‘z xatti-harakatlaringizni tahlil qiling.
U oilada qabul qilingan xatti-harakatlar normasiga rioya qiladi. O‘z tajribamdan shuni aytishim mumkinki, bunday bolalar darhol ko‘zga tashlanadi: ular uchun ham tengdoshlar, ham kattalar bilan muloqot qilish qiyin; ular xotirjam nutqqa munosabat bildirmaydilar, notinch, asabiy, xirillagan va ba’zida hatto tajovuzkor bo‘lib qoladilar, - dedi Natalya Derbeneva.
Psixologning qo‘shimcha qilishicha, tarbiyada baland ovoz va qichqirishni muntazam ravishda qo‘llash, bolada ishonchsizlikni kuchaytirib yuborishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter