Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Elektrotexnika va radioelektronika mahsulotlarida xavfli moddalarni ishlatish cheklanadi

Elektrotexnika va radioelektronika mahsulotlarida xavfli moddalarni ishlatish cheklanadi

Hukumat joriy yil 15-avgustdagi 517-son qarori bilan «Elektrotexnika va radioelektronika mahsulotlarida xavfli moddalarni ishlatishni cheklash to‘g‘risida»gi texnik reglament tasdiqlandi.

Reglament O‘zbekistonda muomalaga chiqarilayotgan elektrotexnika va radioelektronika mahsulotlarida xavfli moddalarni ishlatishni cheklashga doir bajarilishi majburiy bo‘lgan yagona talablarni belgilaydi.

Elektrotexnika va radioelektronika mahsulotlarining foydalanish hujjatlari davlat tilidagi pasport, o‘rnatish, texnik xizmat ko‘rsatish va ta’mirlash yo‘riqnomasi hamda undan foydalanish qo‘llanmasini o‘z ichiga olishi kerak.

O‘zbekistonda muomalaga chiqariladigan elektrotexnika va radioelektronika mahsulotlarining ushbu reglament talablariga muvofiqligi baholanishi shart.

Qadoqlarga elektrotexnika va radioelektronika mahsulotining hamda ishlab chiqaruvchining nomi va (yoki) tovar belgisi joylashtirilishi kerak.

Mazkur reglament rasmiy e’lon qilingan kundan e’tiboran 6 oy o‘tgach kuchga kiradi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring